Ano nga bang mukha sa likod ng maskara
Sa kabila ng ngiti, lungkot ay madarama
Tulad ng kaibigang, akala mo ay masaya
O di kaya'y ang asawa mong nais pala'y sa piling ng iba.
Sa mundong mapanlinlang, akala mo ay iyong alam
Katotohana'y nakukubli, maraming kababalaghan...
Sa kabila ng kinang at magandang kaanyuan
Natatago dito ang tunay na katauhan.
Bakit nga ba kailangan pang pagtakpan
Maraming bagay, di magawang pagsigawan...
Kalayaan ng bayan matapang na pinaglalaban
Pero bakit ang sarili, di mapanindigan?
Iba't ibang maskara, mga mukhang baligtaran...
Mga taong sa anino humahanap ng kanlungan.
Sa likod ng halakhak, luha ay pumapatak,
Pagkatao'y nakubli ng maskarang sa mukha nakalapat.
No comments:
Post a Comment